AA sistemak garatzeko, lanbide-profil berriak behar dira, gaitasun oso espezifikoekin. BAICen, rol horiek identifikatu ditugu AA proiektu baten bizi-zikloaren barruan, eta profil bakoitzak zer konpetentzia izan behar lituzkeen definitu dugu.

Euskadin adimen artifizialaren garapenari, erabilerari eta ezarpenari aplikatzen zaizkion oinarrizko printzipio etikoak eta araudiak ezartzen ditu gida horrek. Jardunbide etiko eta arduratsuak sustatzeko, AAren ekosistemaren gaineko konfiantza bultzatzeko, Europako jarraibideekin bateratzeko eta arriskuak minimizatzeak duen garrantzia nabarmentzeko dago diseinatuta.

Gida horrek datuen erabilera estrategikorako ikuspegi egituratua eskaintzen du, eta datuen kudeaketa arduratsua egiteak eta partekatzeak duen garrantzian oinarritzen da. Dokumentu horrek datuetan oinarritutako erabakiak hartzea optimizatzeko eta Euskadiko erakundeen lehiakortasuna hobetzeko esparrua eskaintzen du.

AAri eta horrek eskaintzen dituen aukerei buruzko ikuspegi argia modu errazean eskaintzen duen gida. Gainera, hori aplikatuta konpon daitezkeen erronkak identifikatzeko gakoak ere azaltzen dira.

Txostenak Euskadin araututako eta arautu gabeko AA arloko prestakuntza-aukerak aztertzen ditu, eta egungo eta etorkizuneko egoera ebaluatzen du.

Dokumentu hau oinarri praktiko eta operatibo bat da eta ekosistema gisa lerrokatzeko aukera ematen digu. BAICeko lantaldeen testuinguruan batzorde bat osatu duten erreferentziazko eragileek garatu dute dokumentua.