Joan den astean Donostian AAeko osagarriei buruzko gure ThinkLab-a ospatu genuen, BAICeko bazkide diren erakundeentzat soilik den ekitaldia. Topaketa hau ikaskuntza-, lankidetza- eta inspirazio-gune bat izan zen. Bertan, AAeko Datuaren, Etikaren eta Araudiaren Estrategiari buruzko gida berriak aurkeztu genituen, eta goi-mailako hizlarien esku-hartzeez gozatu genuen.

Datuaren Estrategia: Arrakasta Kasuak eta Jardunbide Egokiak
Datuaren kudeaketan estrategia sendoa eskaintzen duten aukerak aztertzea izan zen ThinkLab-aren ardatz nagusietako bat. Bloke honetan:

• Datuaren estrategia aplikatzeko moduari buruzko gida berria aurkeztu genuen, erakundeei erabaki informatuagoak eta eraginkorragoak hartzen laguntzeko diseinatua.
• DAMAko Gorka Santosek datuaren gobernuari sarrera eskaini zion, egungo testuinguruan duen garrantzia azpimarratuz.
• EITBko Jon Telletxeak beraien datuak barrutik nola kudeatzen dituzten partekatu zuen, adibide praktikoak emanez.
• EROSKIko Imanol Torresek bere kasua aurkeztu zuen, datuak enpresa handi batean egindako kudeaketa estrategiko baten eragin positiboa erakutsiz.
  
  

AA Act erregularizazioa eta AA garatzeko etika

Bigarren multzoan, Adimen Artifizialari (AA Act) buruzko Europako erregelamendu berria landuko dugu, erantzukizunaren eta araudia betetzearen ikuspegitik.

• Gure gida berria abiarazi genuen, teknologia hori erabiltzeko praktikak errazago inplementatu ahal izateko.
• AA Officeko Alex Moltazurekin harremanetan jartzeko aukera izan genuen. Hark azaldu zituen AAren Europako Araudiaren funtsezko puntuak eta erakundeentzat dituen ondorioak.
• UPV/EHUkoa eta aldi berean Adimen Artifizialaren Europako Araudiari buruzko Tratatuaren egileetako bat denak (Aranzadi, 2024), Leire Escajedo San-Epifaniok, «Compliance y participación de las empresas en la gobernantza regulatoria de la IA: retos estratégicos» izeneko hitzaldia eskaini zuen.

Networking- eta ideia-dinamikak

Ekitaldiari amaiera emateko, speed dating eta networking dinamiketan parte hartu zuten gerturatutakoek, gure ekosistemako eragileen arteko loturak eta lankidetzak sustatuz.
ThinkLab honek Adimen Artifizialari buruzko elkarrizketa gidatzeko konpromisoa berresten du, haren garapen etikoa sustatuz, indarrean dagoen araudia betez eta datuen estrategia sendo baten barruan. Eskerrik asko parte hartzaile eta hizlari guztiei hau posible egiteagatik!